ՀՊԵՆ-ի ելույթով տրվեց "Ոսկե ծիրանի" մեկնարկը

Երեկ Սպենդիարյանի անվան օպերայի եւ բալետի ազգային ակադեմիական թատրոնում տեղի ունեցավ «Ոսկե ծիրան» կինոփառատոնի բացման պաշտոնական արարողությունը:

Փառատոնի բացմանը ներկա էին ՀՀ մշակույթի եւ արտաքին գործերի նախարարները, աշխարհահռչակ երգիչ-երգահան Շառլ Ազնավուրը, կինոգործիչներ, արվեստագետներ... Փառատոնի մեկնարկը տրվեց Հայաստանի պետական երիտասարդական նվագախմբի ելույթով:

ՀՀ մշակույթի նախարար Հասմիկ Պողոսյանը նշեց, որ երբ փառատոնը դեռ իր առաջին քայլերն էր անում, տարբեր կարծիքներ կային փառատոնի մասին.«Ոմանք թերահավատ էին, սակայն այսօր փառատոնը կայացավ` ստեղծելով փոքրիկ, բայց շատ կարեւոր իր ծրագրերը: Այժմ վստահ կարող եմ ասել` փառատոնը մեր անկախ Հայաստանի լավագույն ձեռքբերումներից մեկն է»: