Թուրքիայում ձերբակալությունները շարունակվում են

Այսօր Թուրքիայի ոստիկանությունը երկրի 5 նահանգում` 17 հասցեում, որտեղ բնակվում են «վերջերս տեղի ունեցած անկարգությունների սադրիչներ», ձերբակալություններ է կատարել. տեղեկացնում է ИТАР-ТАСС-ը: Հատուկ գործողություններն իրականացվել են Իզմիրում, Անկարայում, Ստամբուլում, Մանիսում եւ Բաթմանում: Ձերբակալվածների թվում ձախ ծայրահեղական խմբավորումների անդամներ են: Ձերբակալման հիմք են դարձել արտաքին դիտարկման տեսախցիկների նյութերը:

Իշխանությունների համոզմամբ` ստամբուլյան Գեզի այգու շուրջ իրադարձությունները վերաճել են համահանրապետական հակակառավարական բողոքների հենց ծայրահեղական սադրիչների գործողությունների արդյունքում: