Կոնգրեսականը Օբամային սպառնում է իմպիչմենտով

ԱՄՆ Կոնգրեսի Ներկայացուցիչների պալատի հանրապետական անդամ Ուոլթեր Ջոնսը սպառնում է ԱՄՆ նախագահ Բարաք Օբամային իմպիչմենտով, եթե նա շարունակի պնդել, որ ռազմական գործողություն է հարկավոր անցկացնել Սիրիայում. տեղեկացնում է Интерфакс-ը:

Երեկ կոնգրեսականը հայտարարել է, որ «եթե գոնե մեկ ամերիկյան զորախումբ ուղարկվի Սիրիա, Կոնգրես կմտցվի նախագահի իմպիչմենտի հարցը»: Իսկ անցյալ շաբաթ Ջոնսը բանաձեւի նախագիծ է ներկայացրել իր գործընկերներին, ըստ որի` նախագահը առանց Կոնգրեսի համաձայնության չի կարող Սիրիայում ռազմական գործողություն սկսելու որոշում կայացնել:

Ջոնսը մշտապես քննադատել է ԱՄՆ ռազմական գործողությունները նաեւ Իրաքում եւ Աֆղանստանում: