Կոնգրեսականը հրաժարական տվեց

Երեք շաբաթ առաջ ԱՄՆ կոնգրեսական Էնթոնի Վեյներն իր BlackBerry-ի «ուղարկել» կոճակը սեղմեց եւ իր մերկ նկարը «գաղտնի» փոխանցեց համացանցային իր ընկերուհուն:

Նյու Յորքի դեմոկրատ քաղաքական գործչին ձախակողմյանները շատ էին սիրում խիզախ պահվածքի եւ հանրապետականներին կտրուկ պատասխաններ տալու համար: Սակայն 14 տարի քաղաքականության մեջ լինելուց հետո Վեյներից ընդամենը 4 րոպե պահանջվեց իր հրաժարականի մասին հայտարարելու համար:

«Ես հույս ունեի, որ կկարողանամ շարունակել իմ աշխատանքը, սակայն այն, ինչ արել եմ, ինձ հնարավորություն չի տալիս դա անել: Այսօր հայտարարում են իմ հրաժարականի մասին»,- ըստ CNN-ի` ասել է կոնգրեսականը: