Կոնֆեդերացիաների գավաթ. Իսպանիան կխաղա Բրազիլիայի հետ

Կոնֆեդերացիաների գավաթի երկրորդ կիսաեզրափակիչում Իսպանիան իր ուժերը չափեց Իտալիայի ընտրանու հետ: Խաղից առաջ ֆուտբոլային մասնագետները և բուքմեյքերական ընկերությունները առավելությունը տալիս էին աշխարհի և Եվրոպայի գործող չեմպիոնին:

Իտալիան կորցրել էր թիմի կենտրոնական հարձակվողին` Մարիո Բալոտելլին, ով վնասվածք ուներ: Բալոտելլիին փոխարինեց Ալբերտո Ջիլարդինոն, սակայն փորձառու հարձակվողը ոչինչ չկարողացավ անել:

Իտալացիները խաղից առաջ  խնդիր էին դրել իրենց առջև` ապացուցել, որ Եվրո-2012-ի եզրափակիչի արդյունքը այդքան էլ չէր համապատասխանում իտալացիների խաղի որակին: Գործնականում դա նրանց մոտ ստացվեց, սակայն հաղթահարել Իսպանիայի արգելքը կրկին չհաջողվեց: Առաջին խաղակեսում իտալացիները առավելության հասնելու իրական պահեր ունեին, սակայն դարպասապահ Իկեր Կասիլի

Երկու թիմերի համար բարդ էր խաղալ եղանակային այդ պայմաններում: Խոնավությունն ու բարձր ջերմաստիճանը դժվարացնում էին ֆուտբոլիստների անգամ շնչելը: 

Խաղը թևակոխեց լրացուցիչ ժամանակ: Այդ ընթացքում թիմերը կարող էին արդյունքի հասնել, սակայն մեկ դարպասաձողը, մեկ դարպասապահները փրկում էին թիմերին:

Գոլազուրկ խաղի տրամաբանական ավարտը 11 մետրանոցներն էին: Երբ խաղը հասնում է դրան, հաղթում են առավել ամուր նյարդեր ունեցողները: Այդ վիճակախաղում բախտի գործոնն է մեծ, իսկ բախտը ուժեղներին է ժպտում: 

Առաջին հինգական հարվածները թիմերը կատարյալ իրացրին: Սակայն իտալացի Բոնուչին, ով երբեք պաշտոնական խաղում 11 մետրանոց չէր իրացրել, վրիպեց: 

Վերջին հարվածն անվրեպ իրացրեց հանդիպման երկրորդ կեսում լավ խաղով աչքի ընկած Խեսուս Նավասը:

Այսպիսով` եզրափակիչում կհանդիպեն Բրազիլիան և Իսպանիան, իսկ Իտալիան Ուրուգվայի հետ կվիճարկի երրորդ տեղը: