Կոնֆեդերացիաների գավաթ. Բրազիլիան եզրափակիչում է

Բրազիլիայում շարունակվում են Կոնֆեդերացիաների գավաթի խաղերը: Կիսաեզրափակիչում Բրազիլիայի ազգային հավաքականը հանդիպել էր Ուրուգվայի ազգային ընտրանու հետ:

Խաղի 12-րդ րոպեին ուրուգվայցիները կարող էին առաջ անցնել հաշվի մեջ, սակայն հարձակվող Դիեգո Ֆորլանը չկարողացավ իրացնել նշանակված 11 մետրանոց հարվածը:

41-րդ րոպեին բրազիլացներից աչքի ընկավ Ֆրեդը` 1:0:

Երկրորդ խաղակեսի սկզբնամասում Էդիսոն Կավանին կարողացավ վերականգնել հաշվի հավասարակշռությունը, սակայն 86-րդ րոպեին Պաուլինիոյին հաջողվում է  խփել բրազիլացիների հաղթական գնդակը:

Այսպիսով` 2:1, Բրազիլիան եզրափակիչում է. կհանդիպի Իտալիա-Իսպանիա զույգի հաղթողի հետ: