Կոնֆեդերացիաների գավաթ. Իտալիա-Ճապոնիա` 4:3

Կոնֆեդերացիաների gավաթի խմբային փուլի շրջանակներում Իտալիան իր ուժերը չափեց Ճապոնիայի ընտրանու հետ:

Հանդիպման 23' Իտալիայի հավաքականի դարպասապահ Ջանլուիջի Բուֆոնը սեփական տուգանային հրապարակում կոպիտ խաղաց. մրցավարի նշանակած 11 մետրանոց հարվածն անվրեպ իրացրեց Կեյսուկե Հոնդան:

Մի քանի րոպե անց Սինձի Կագավան կրկնապատկեց ճապոնացիների առավելությունը:

Այնուամենայնիվ, Եվրոպայի գործող փոխչեմպիոնները ընդմիջման գնալուց առաջ կարողացան կրճատել հաշվի տարբերությունը: Գոլի հեղինակ դարձավ Դանիելե դե Ռոսին:

Հանդիպման 51-րդ րոպեին բախտը ժպտաց իտալացիներին. ճապոնացի Ացուտո Ուչիդան ինքնագոլի հեղինակ դարձավ:

Ընդամենը մեկ րոպե անց Ճապոնիայի դարպասին նշանակվեց 11 մետրանոց հարված, որն էլ հրաշալի իրացրեց «Միլան»-ի հարձակվող Մարիո Բալոտելին:

69-րդ րոպեին Սինձի Օկաձակին հավասարեցրեց հաշիվը: 

87-րդ րոպեին «Յուվենտուս»-ի հարձակվող Սեբաստիան Ջովինկոն կարողացավ հաղթանակ պարգևել Իտալիային:

Այսպիսով` դժվարի խաղում Իտալիան առավելության է հասնում Ճապոնիայի նկատմամբ` 4:3:

Իտալիան այս տուրից հետո ունի 6 միավոր: