Իսպանիան կխաղա Չեխիայի հետ

Իսպանիայի հավաքականի գլխավոր մարզիչ Վիսենտե դել Բոսկեն հայտարարել է, որ իրենց այսօրվա մրցակից Չեխիայի ազգային հավաքականը Եվրո-2012-ի ընտրական փուլում, ուժեղ է:

«Չեխիայի հավաքականը բավական բարձր մակարդակի կոլեկտիվ է: Այն մեր ուղղակի մրցակիցն է, այդ պատճառով պետք է հաղթել: Պարտությունը կամ ոչ ոքին մեզ համար անընդունելի են: Կարելի է ասել, որ առաջիկա երկու խաղերում կարևոր 6 միավորներ են խաղարկվում: Չեմ կասկածում, որ մեր երկրպագուները մեզ կաջակցեն: Մենք դիտել ենք Չեխիայի հավաքականի մասնակցությամբ 3 հանդիպում, և կարող եմ ասել, որ մրցակիցը բարձր խաղային կարգապահություն է ցուցաբերում: Դրանից բացի, նրանք շատ լավ են գործում երկրորդ հարկում: Դա այն թիմն է, որը կարող է առավելագույնի հասնել քիչ գոլային պահերից»,- ասել է դել Բոսկեն: