Ազատամարտիկները հանրահավաք են անում

Հունիսի 16-ին Ազատության հրապարակում հանահավաք էին նախաձեռնել Արցախյան պատերազմին մասնակից ազատամարտիկները: Նրանք դժգոհում էին ստեղծված բարոյահոգեբանական վիճակից, մատաղ սերնդի ռազմա-հայրենասիրական դաստիարակության դժվարություններից եւ, իհարկե, սոցիալական պայմաններից: Ազատամարտիկները կառավարությունից պահանջում են իրենց սոցիալական վիճակի բարելավում:

«Մի' խանգարեք մարդկանց մարդավարի ապրել: Եթե չեք կարողանում մեզ պահել, դուք հեռացեք, մենք գանք ձեզ պահենք»,- դիմելով իշխանություներին՝ ելույթում հայտարարեց հանրահավաքի նախաձեռնող Վոլոդյա Ավետիսյանը:

Ազատամարտիկները նշեցին, որ անհայտ անձինք հանրահավաքից առաջ սպառնացել են, որ հավաքի չգնան, սակայն իրենք տեղի չեն տվել ճնշումներին: