Դուք ո՞վ եք, որ դատում եք հերոսին. ազատամարտիկները ներխուժել են դատարան

Շուրջ 50 ազատամարտիկներ, ի պաշտպանություն ազատամարտիկ Վոլոդյա Ավետիսյանի, այսօր բողոքի ակցիա են իրականացրել ՀՀ վերաքննիչ դատարանի շենքի դիմաց: Ազատամարտիկները վստահ են, որ Ավետիսյանի նկատմամբ առաջադրված  մեղադրանքը շինծու է, եւ պահանջում են անհապաղ ազատել իրենց մարտական ընկերոջը:

Ըստ ազատամարտիկների` հիմա հերոսներ են կոչվում նրանք, ովքեր զինվորական համազգեստ են հագնում ու գնում-նկարվում:

Ավետիսյանի փաստաբանը, լրագրողների հետ զրույցում անդրադառնալով այն խոսակցություններին, թե Ավետիսյանը հրաժարվելու է համաներումից, հայտնեց, որ նման խոսակցություն իր պաշտպանյալի հետ ինքը չի ունեցել: Երբ մեկնարկել է դատական նիստը, հայտարարվել է, որ այն ընթանալու է դռնփակ կարգով, սակայն ազատամարտիկները,«Դուք ով եք, որ դատում եք հերոսին» ասելով, ներս են մտել եւ պահանջել, որպեսզի իրենք ներկա գտնվեն նիստին:

Վոլոդյա Ավետիսյանը խնդրել է նրանց դուրս գալ: