Ազատամարտիկները լինելու են ՊՆ-ի ուշադրության կենտրոնում

2012 թվականին Հայաստանի Հանրապետության սահմաններին ադրբեջանցիների կատարած մի քանի դիվերսիոն գործողություններից հետո լուրջ աշխատանքներ են իրականացվել սահմանի երկայնքով եւ առհասարակ ինժեներական սարքավորումների արդիականացման եւ կիրառման ուղղությամբ: Այդ միջոցների մեծամասնությունը կիրառվել է հենց առաջնային գծում. լրագրողներին այսօր այս մասին ասաց ՀՀ պաշտպանության նախարար Սեյրան Օհանյանը:

Նախարարն անդրադարձավ նաեւ ազատամարտիկների խնդիրներին եւ նշեց, որ շարունակելու են հատուկ ուշադրության արժանացնել ազատամարտիկներին: Մասնավորապես` շարունակվելու է անօթեւան ազատամարտիկների բնակարանային ապահովման, վիրավոր եւ հաշմանդամ ազատամարտիկների սոցիալական ապահովության ուղղությամբ միջոցառումների իրականացումը: Սեյրան Օհանյանը հավելեց նաեւ, որ այդ միջոցառումները տարածվում են ոչ միայն զոհված, հաշմանդամ կամ վիրավոր ազատամարտիկների վրա, այլեւ բոլոր մնացածի: