ՏԵՍԱՆՅՈՒԹ․ 9։30 ավտոերթ, 13։00 Վանաձորում հանրահավաք, 20։00 Ֆրանսիայի հրապարակում հանրահավաք․ վաղվա ծրագիրը

Այս օրերին մեր պայքարին են միացել աշխարհի տարբեր գաղթօջախներում մեր հայրենակիցները․ Հայաստան, Արցախ, Սփյուռք՝ մեկ են․ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը։

Նա նշեց, որ առաջիկա օրերի  խնդիրն է երթերի 4 խումբը դարձնել 8 ու վերցնել ամբողջ քաղաքը։

«Այս չարիքի կառավարությանը հեռացնելուց հետո Առանց Նիկոլ Հայաստանում լինելու է համերաշխություն, Առանց Նիկոլ Հայաստանի Հանրապետության քաղաքացին ապրելու է անվտանգ, առանց Նիկոլ Հայաստանում արդեն ՀՀ քաղաքացին ապրելու է ազատ, բարեկեցիկ, գյուղացին այս օրերին չի մտածելու սերմնացուի, պարարտանյութի, բազմաթիվ հոգսերի մասին, մենք միասնաբար, կենտրոնացնելով մեր ողջ ժողովրդի ներուժը, բացառելով նախկինում տեղ գտած թերությունները և սխալները, համախմբվելու ենք, բռունցք դառնանք և կառուցենք ուժեղ, անվտանգ և հզոր Հայաստան։ Նիկոլով սա հնարավոր չէ»,-ասաց Իշխան Սաղաթելյանը։

Նա վստահեցրեց, որ գործի 60-70 տոկոսն իրականցված է։

Իշխան Սաղաթելյանը նշեց վաղվա ծրագրերը․

Ժամը 13։00-ին Վանաձորում լինելու է հանրահավաք։

Առավոտյան 9։30-ին Աշտարակի խճուղու վրա՝ Կարմիր խաչի շենքի ուղղությամբ, ավտոմեքենաները դրոշներով շարվելու են, որպեսզի Երևանից գնան Վանաձոր՝ հանրահավաքի։ Ցանկացողները կարող են միանալ իրենց ավտոմեքենաներով։

Զուգահեռ ժամը 12։00-ից Ֆրանսիայի հրապարակից բացառապես կանանց և աղջիկների երթ է մեկնարկելու Երևանի փողոցներով։

Երևանում 13։00-14։00 բոլոր ցանկացողները, մեքենաներում բարձր միացրած «Արցախն է կանչում» և «Զարթնի՛ր, լաո» երգերը, կշրջեն քաղաքում և տրամադրություն կստեղծեն։

Երեկոյան ժամը 18։00-20։00 Երևանի Ֆրանսիայի հրապարակում կլինի մշակութային ծրագիր։

Ժամը 20։00-ին հանրահավաք Ֆրանսիայի հրապարակում, հետո ավանդական երթը Երևանում։

Մանրամասն՝ տեսանյութում․