Հայաստանը դեռեւս չի համապատասխանում ''Հազարամյակի մարտահրավերներ''-ի չափանիշներին. ԱՄՆ դեսպան

«Բաց կառավարման գործընկերություն» ծրագրի իրականացման գործում առաջընթացը Հայաստանին հնարավորություն կտա բարելավելու իր ցուցանիւշները` «Հազարամյակի մարտահրավերներ» կորպորացիայի չափանիշներին համապատասխանելու համար. այսօր «Բաց կառավարման գործընկերություն-Հայաստան» միջազգային համաժողովում ասել է Հայաստանում ԱՄՆ դեսպան Ջոն Հեֆերնը:

Ըստ նրա` բաց հասարակությունը եւ տնտեսությունը երկրին զարգանալու, անվտանգության մակարդակը բարձրացնելու, բարգավաճելու հնարավորություն կտան:

Լրագրողների հետ զրույցում դեսպանն ընդգծել է, որ «Հազարամյակի մարտահրավերներ»-ի կողմից աջակցություն ստանալու համար անհրաժեշտ է բավարարել 13 ցուցանիշի: Առանձնահատուկ կարեւորություն է տրվում հակակոռուպցիոն ծրագրին, որի ուղղությամբ Հայաստանը դեռեւս անհրաժեշտ մակարդակի չի հասել, սակայն մոտ է դրան:

Հիշեցնենք, որ 2009-ին ամերիկյան կառավարական «Հազարամյակի մարտահրավերներ» կորպորացիան որոշեց դադարեցնել Հայաստանի ֆինանսավորման ծրագիրը կառավարության գործունեության թերությունների պատճառով: Հնգամյա ծրագրի շրջանակներում Հայաստանին պետք է տրամադրվեր 235 մլն դոլարի դրամաշնորհ` ուղղված ոռոգման համակարգերի եւ գյուղական ճանապարհների արդիականացմանն ու վերանորոգմանը: