Սիրային սկանդալը կարող է սպառնալ Մեծ Բրիտանիայի վարչապետի կարիերային

Մեծ Բրիտանիայի վարչապետ Դեւիդ Քեմերոնն իմացել է, որ ինչ-որ սիրային սկանդալ կարող է վնաս հասցնել իր վարկանիշին ու կարիերային. գրում է Daily Telegraph-ը: Վարչապետը փորձում է խուսափել պատմության հնչեղությունից, այդ պատճառով մամուլին մանրամասներ հայտնի չեն:

«Խոսքը միջին տարիքի երկու անձնավորությունների հարաբերությունների մասին է: Այդ պատմությունը իսկական պայթյուն է: Մեզանից ոչ ոք չհավատաց, երբ առաջին անգամ լսեց այդ մասին: Մտածեցինք` թյուրիմացություն է»,- թերթին պատմել է վարչապետի գրասենյակի աղբյուրը` հավելելով, որ վարչապետն ինքն էլ ապշած է եղել:

Մի շարք բրիտանական թերթեր չեն բացառում, որ հնարավոր է` խոսքը վարչապետի կնոջ արտաամուսնական կապի մասին է: