Դա կլասիկ գրիգորիչական շուլուխ է. Վահան Հովհաննիսյան

ԱԺ-ում շարունակվում է կառավարության ծրագրի քննարկումը:

ԱԺ ՀՅԴ խմբակցության պատգամավոր Վահան Հովհաննիսյանը, անդրադառնալով վարչապետ Տիգրան Սարգսյանի երեկվա ելույթին, մասնավորապես` Վազգեն Խաչիկյանի ձերբակալությանը, ընդգծեց, որ քաղաքական պատասխանատվություն ոչ ոք չի կրել: «Խաչիկյանը փորձել է արդարություն հաստատել. եթե էդ մարդիկ`մահացածներն ու արտագաղթածները, կարող են քվեարկել, ինչո՞ւ թոշակ չստանան»,- կեսկատակ-կեսլուրջ հայտարարեց ՀՅԴ-ական պատգամավորը:

Նրա այս արտահայտությունն այնքան դուր եկավ որոշ պատգամավորների, որ նրանք ծիծաղելով սկսեցին ծափահարել:

Հովհաննիսյանը նշեց, որ այս օրերին անիմաստ է կառավարության ծրագիր քննարկել, կարկտից տուժած մարդկանց խնդիրը բարձրաձայնել, գազի թանկացումից խոսել: Իրականում քննարկվում է մեր իշխանության որակը: «ՀՀԿ մեծ գափաղափարախոս Գալուստ Գրիգորիչն ասում ` մեզնից լավը չկա: Հավանաբար կառավարությունը լուրջ է ընդունել սա, բայց դա կլասիկ գրիգորիչական շուլուխ է եղել: Դուք չեք ամենալավը, դուք պետք է ապացուցեք, որ ամենավատը չեք»,- հայտարարեց Վահան Հովհաննիսյանը: