Օբաման հիպոթեքային վարկ է փակում

ԱՄՆ իշխանությունները հրապարակել են պետության ղեկավար Բարաք Օբամայի եւ նրա կնոջ` Միշելի անձնական ունեցվածքի մասին տվյալներր: Համաձայն նրանց ներկայացրած հարկային հայտարարագրերի` նախագահական զույգը 1,9-6,9 մլն դոլար գնահատվող ունեցվածք ունի: Նախկինում նրանք ավելի համեստ էին ապրում. գրում է Huffington Post-ը:

Նշենք, որ  գնահատման մեծ ընդգրկույթը պատահական չէ. ըստ ամերիկյան օրենսդրության` ԱՄՆ քաղաքացիները ներկայացնում են իրենց ակտիվների մոտավոր չափերը: Համենայն դեպս, հայտնի է, որ Բարաք Օբաման JPMorgan Chase բանկում 515 հազար դոլարի ընթացիկ հաշիվ ունի, եւս մոտ 5 մլն դոլար պահում է  ԱՄՆ գանձապետական արժեթղթերով:

Ներկայումս նախագահը 500 հազարից մինչեւ 1 մլն դոլարի հիպոթեքային վարկ է մուծում, որը վերցրել է 2005-ին 30 տարի ժամկետով, 5,6 տոկոս  տարեկան տոկոսադրույքով: Հայտնի է նաեւ, որ ԱՄՆ նախագահը 400 հազար դոլար է հետ գցել` իր դուստրերին ուսման տալու համար: