Շուշիի հերոսները կարողացան կոտրել հայերին վաղուց ճնշող կարծրատիպերը

Արցախյան պատերազմում Հատուկ նշանակության խմբի հիմնադիր և հրամանատար Վովա Վարդանովի կարծիքով` մենք հաղթանակից գլուխներս կորցնում ենք, նրա խոսքով ասած` «հաբրգում»: Այսօր լրագրողների հետ հանդիպման ժամանակ նա նշեց, որ պետք է մշտապես զգոն լինել, հաշվի առնել թուրքի «թարս հայացքը», այլ ոչ թե հաղթանակից հետո թևեր առնել ու հանգիստ ննջել:

«Թուրքերը մեր հակառակորդները չեն, այլ թշնամիները, որովհետև իրենք մեզ ոչ թե հաղթել, այլ ոչնչացնել են ուզում»,- համոզված է Վարդանովը:

Ըստ «Ազգային լեգեոն» ջոկատի ազատամարտիկ, գեղանկարիչ Մկրտիչ Տոնոյանի` Շուշիի ազատագրումը լրացուցիչ ոգևորությամբ լցրեց հայերին: Իսկ հոգեբան Կարինե Նալչաջյանը համոզված է, որ  Շուշիի հերոսները կարողացան կոտրել «թուրքերը մեզ կուտեն», «ես չեմ կարող»`  հայերին վաղուց ճնշող կարծրատիպերը: