Տարոն Մարգարյանը ոչ միայն ծառը տնկում, այլ նաեւ ջրել է տալիս. Թոխատյան

ՀՀԿ-ի նախընտրական քարոզարշավի շրջանակներում Արաբկիր վարչական շրջանի բնակիչների հետ հանդիպման ժամանակ ելույթով հանդես եկավ նաեւ դերասան, «Շարմ հոլդինգի» տնօրեն Հրանտ Թոխատյանը: Նա նախ նկատեց, որ բեմից կցանկանար ներկայացում խաղալ, քան ճառեր ասել, բայց, այդուհանդերձ, գովեստի խոսքեր գործող քաղաքպետի հասցեին շռայլեց:

«Տարոն Մարգարյանը մեքենայի պատուհանից չի նայում էս քաղաքին, ամեն օր ման է գալիս քաղաքում»,- հայտարարեց Թոխատյանը, հետո վստահեցրեց, որ երբ ծառն էլ տնկում են, համապատասխան պատասխանատուներին կանչում եւ նկատողություն է անում` ծառը տնկում եք, բայց ջրող է պետք:

«Տարոն Մարգարյանն այն մարդն է, որ ոչ միայն ծառ է տնկում, այլեւ ջրել է տալիս»,- նշտեց նա ու հավելեց, որ մոտ ապագայում կունենանք ավելի լավ Երեւան, իսկ քաղաքապետը կլինի` ամենալավը: