Տոկիոյի քաղաքապետը ներողություն է խնդրել Թուրքիայից եւ մյուս իսլամական երկրներից

Տոկիոյի քաղաքապետ Նաոկի Ինոսեն այսօր ներողություն է խնդրել Ստամբուլի եւ իսլամական երկրների հասցեին հնչեցրած քննադատության համար. տեղեկացնում է Интерфакс-ը: Հիշեցնենք, որ Ստամբուլը Տոկիոյի մրցակիցն է` 2010 թվականի ամառային օլիմպիական խաղերի անցկացման առումով:

«Ես կուզեի ներողություն խնդրել անհարիր արտահայտությունների համար: Ցավում եմ, որ իմ ասածը սխալ է ընկալվել իսլամական հասարակության կողմից»,- ասել է նա:

Օրերս New York Times-ի թղթակցի հետ զրույցում Ինոսեն ասել էր. «Կարծում եմ` երբեմն օգտակար է սպորտային միջոցառումները նոր վայրում անցկացնել: Ինչ վերաբերում է իսլամական երկրներին, միակ ընդհանուր բանը, որ ունեն, Ալլահն է, եւ նրանք պայքարում են միմյանց հետ, ու նրանց մոտ սոցիալական շերևտավորում կա»:

Այս խոսքերը բացասաբար էին ընդունվել նաեւ ՄՕԿ-ի կողմից: