Հայտնի են ″Հայակի″ հաղթողների անունները

Երեկ «Արամ Խաչատրյան» համերգասրահում տեղի ունեցավ «Հայակ»` Հայաստանի ազգային կինոկենտրոնի նախաձեռնությամբ իրականացվող Ազգային կինոյի մրցանակաբաշխությունը: Ներկայացնում ենք հաղթողներին:

«Լավագույն խաղարկային ֆիլմ»` Մարիա Սահակյան, «Այդ ես չեմ»

«Լավագույն ռեժիսոր»` Հարություն Խաչատրյան, «Անվերջ փախուստ, հավերժ վերադարձ» /Հարություն Խաչատրյանն իր մրցանակը հանձնեց նույն անվանակարգում ներկայացված Մարիա Սահակյանին` նշելով, որ երիտասարդներին պետք է խրախուսել/:

«Լավագույն օպերատոր»` Մկրտիչ Մալխասյան, «Այդ ես չեմ»

«Լավագույն սցենարի հեղինակ»` Թերեզա Վարժապետյան եւ Միքայել Պողոսյան, «Եթե բոլորը»

«Լավագույն նկարիչ»` Արմեն Ղազարյանը

«Լավագույն կոմպոզիտոր»` Վահագն Հայրապետյանը

«Լավագույն դերասանուհի»` Մարիամ Դավթյան, «Ձայն լռության»

«Լավագույն դերասան»` Շանթ Հովհաննիսյան, «Գարեգին Նժդեհ»

«Երկրորդական դերի լավագույն դերասան»` Խորեն Լեւոնյան, «Գարեգին Նժդեհ»

«Երկրորդական դերի լավագույն դերասանուհի»` Ժենյա Մկրտումյան

«Լավագույն կարճամետրաժ ֆիլմ»` Թամարա Ստեփանյան, «Փերվարի 19»

«Լավագույն վավերագրական ֆիլմ»` Հարություն Խաչատրյան, «Անվերջ փախուստ, հավերժ վերադարձ»

«Լավագույն անիմացիոն ֆիլմ»` Նաիրա Մուրադյան, «Բալետ»

«Լավագույն դեբյուտ»` Մարինե Զաքարյան, «Փասիանի որսորդ»

«Լավագույն արտասահմանյան ֆիլմ»` Կարեն Շահնազարով, «Սպիտակ վագր»

Կինոյում ունեցած մեծ ներդրման համար Հայաստանի ազգային կինոակադեմիայի կողմից հատուկ մրցանակի արժանացան Արմեն Ջիգարխանյանը եւ Ներսես Հովհաննիսյանը: Կինոյի զարգացման հիմնադրամի մրցանակին արժանացավ Արման Երիցյանը` «Donkeymentary» ֆիլմի համար, իսկ ՀՀ մշակույթի նախարարության հատուկ մրցանակը շնորհվեց Վիգեն Չալդրանյանին «Ձայն լռության» ֆիլմի համար: