Կլոպպը չափից շատ է խոսում. Մոուրինիո

Մադրիդի «Ռեալ»-ի պորտուգալացի մարզիչ Ժոզե Մոուրինիոն հայտարարել է, որ «Բորուսիա»-ի գլխավոր մարզիչ Յուրգեն Կլոպպը չափից շատ է խոսում  Չեմպիոնների լիգայի կիսաեզրափակիչ հանդիպման մասին:

«Ես հակառակորդի մասին կարծիք հայտնեցի, և դա, կարծում եմ,  բավական է: Բայց Կլոպպը, վիճակահանությունից սկսած, անդադար խոսում է: Ես կարտահայտվեմ հանդիպումից անմիջապես առաջ: Վերջին երկու շաբաթներին մենք նախապատրաստվում ենք խաղին»,- Մոուրինիոյի խոսքերն է մեջբերում  goal.com-ը:

«Մոուրինիոն տուն կգնա մի ինֆորմացիայով, որն իրեն պետք չի գա: Նա լքեց խաղադաշտը, երբ հաշիվը 5:0 էր և չտեսավ մեր թույլ կողմերը: Բայց եթե նա ցանկանում է իմանալ` հնարավո՞ր է արդյոք, որ  Գյոթցեն խաղա ձախից, բավական է ինձ զանգելը»,- Գերմանիայի առաջնությունում խոշոր հաշվով հաղթելուց հետո ասել է Կլոպպը:

Թիմերի առաջին հանդիպումը կկայանա ապրիլի 24-ին Դորտմունդում: