Լուվրի աշխատակիցները գործադուլ են հայտարարել

Փարիզյան Լուվրն այսօր փակ է եղել այցելուների համար, քանի որ թանգարանի աշխատակիցները գործադուլ են հայտարարել` վրդովված գրպանահատների ագրեսիվ գործողություններից. տեղեկացնում է France 24 հեռուստաալիքը:

Դեռեւս հայտնի չէ, թե որքան ժամանակ փակ կմնա թանգարանը: Լուվրի աշխատակազմի ներկայացուցիչները հայտնել են, որ աշխատանքի չի ներկայացել մոտ 200 աշխատակից: Նրանցից շատերը զոհ են դարձել գրպանահատների ավազակախմբերին, որոնք ոչ միայն ֆինանսական, այլեւ ֆիզիկական վնաս են հասցնում թանգարանի աշխատակիցներին ու այցելուներին: Գրպանահատների թվում շատ են անչափահասները, ովքեր թանգարան անվճար մտնելու հնարավորություն ունեն: