Երգչուհի Գայտանան ''Շախտյոր''-ի հիմնը կերգի հայերեն լեզվով, եթե Մխիթարյանը 25 գոլ խփի

Ուկրաինական «Շախտյոր»-ի ամենահաջողակ ֆուտբոլիստներից մեկը` հայազգի կիսապաշտպան Հենրիխ Մխիթարյանը, ինչպես արդեն տեղեկացրել էինք, կարող է դառնալ նոր ռեկորդի հեղինակ:

Այդ կապակցությամբ «հանքափորներ»-ի ամենավառ երկրպագուներից մեկը` երգչուհի Գայտանան, ով «Шахтер - Чемпион» երգի հեղինակն է, խոստացել է` եթե Մխիթարյանին հաջողվի առաջնությունում խփել 25 գոլ` այդպիսով սահմանելով նոր ռեկորդ, նա այդ երգը Հենրիխի համար կկատարի հայերեն լեզվով:

«Ես երկրպագում եմ «Շախտյոր»-ին, այն Ուկրաինայի լավագույն ակումբն է: Ցանկանում եմ նրանց քաջալերել առաջնության վերջին խաղերում, հատկապես` Մխիթարյանին: Նրա առջեւ հեշտ խնդիր չի դրված` դառնալ ռեկորդի հեղինակ: Կարծում եմ` «Շախտյոր»-ի հիմնը հայերենով հրաշալի կհնչի: Դա նրա համար խթան կլինի: Հուսով եմ` նա կօգնի թարգմանության հարցում»,- երգչուհու խոսքերն է մեջբերում terrikon.com-ը: