Հենրիխ Մխիթարյանը չի միացել "Շախտյոր"-ին

Դոնեցկի «Շախտյոր»-ի գլխավոր տնօրեն Սերգեյ Պալկինը հայտարարել է, որ Հայաստանի ազգային հավաքականի և Դոնեցկի «Շախտյոր»-ի կիսապաշտպան Հենրիխ Մխիթարյանը` առանց հարգելի պատճառներ ներկայացնելու, չի միացել դոնեցկյան ակումբի հավաքին:

Վերջին ժամանակներս Հենրիխ Մխիթարյանի` անգլիական «Լիվերպուլ»  տեղափոխման մասին լուրերը ողողել են մարզական լրատվական դաշտը, սակայն ստույգ և պաշտոնական տեղեկություններ դեռևս չկան: 

Դոնեցկի «Շախտյոր»-ի գլխավոր տնօրեն Սերգեյ Պալկինը «Спорт день за днем»-ին տված հարցազրույցում անդրադարձել է նաև Հենրիխ Մխիթարյանի տեղափոխման մասին լուրերին:

«Հայտնի՞ է, արդյոք, Մխիթարյանի ապագան: Հայտնի է միայն այն, որ նա չի միացել թիմին, թեեւ պարտավոր էր այդ անել: Մենք չգիտենք, թե ինչ պատճառով նա չի միացել հավաքին: Եթե ֆուտբոլիստը մոտ ժամանանակներս չներկայա, ստիպված կլինենք տուգանել նրան: Նա ոչ մի պայմանագիր չունի «Լիվերպուլ»-ի հետ: Վստահ եմ, որ նրա տեղափոխման մասին լուրերը պարզապես բամբասանքներ են: Մենք «Լիվերպուլ»-ից ոչ մի առաջարկ չենք ստացել: Գիտեմ, որ թիմակիցների և մարզչի հետ կոնֆլիկտ չունի: Ակումբից հեռանալու ցանկություն` նույնպես: Այնպես որ` նրա պահվածքի մասին բոլոր հարցերը տվեք հենց նրան»,- ասել է Պալկինը: