Վերջին տարիներին հաշմանդամությւոն ունեցող անձանց թիվը չի աճել

1993թ. Հայաստանում ընդունվեց «Հաշմանդամների սոցիալական պաշտպանության մասին» օրենքը, որն այժմ փոփոխության կարիք ունի. այսօր նշվեց «Հաշմանդամություն ունեցող անձանց իրավունքների պաշտպանության եւ սոցիալական ներառման մասին» ՀՀ օրենքի նախագծի խորհրդարանական լսումների ժամանակ:

ՀՀ աշխատանքի եւ սոցիալական հարցերի նախարարի տեղակալ Ջեմմա Բաղդասարյանն ասաց, որ Հայաստանում 186 հազար հաշմանդամություն ունեցող անձ կա, որոնք կազմում են բնակչության 6 տոկոսը: Ըստ նրա` վերջին տարիներին հաշմանդամություն ունեցող անձանց թիվը չի աճել. «Համեմատած այլ երկրների հետ` սա բարձր ցուցանիշ չի համարվում. ՌԴ-ում, օրինակ, հաշմանդամները բնակչության 10 տոկոսն են կազմում»:

Բաղդասարյանի հավաստմամբ` Հայաստանում աշխատունակ է հաշմանդամների 67 տոկոսը /125 000 մարդ/, որոնց միայն 9 տոկոսն է աշխատում: «Մեր երկիրն այսօր հարմարեցված չէ հաշմանդամություն ունեցող անձանց համար, եւ մենք առաջին հերթին պետք է ստեղծենք այնպիսի պայմաններ, որ նրանք կարողանան մասնակցել հասարակական աշխատանքներին»,- ասաց Բաղդասարյանը: