Աճել է սրտային հիվանդություն ունեցող երիտասարդների թիվը

Հայաստանում տարեցտարի ավելանում է սրտի հիվանդություն ունեցող մարդկանց թիվը, դրան զուգահեռ աճում է նաեւ սրտային հիվանդություն ունեցող երիտասարդների թիվը:

Սրտաբան Անահիտ Ղազարյանը կարծում է, որ դա կապված է այն հանգամանքի հետ, որ երիտասարդների սոցիալական դերն ավելի է մեծացել:

«Նրանք կա'մ գերծանրաբեռնված են, կա'մ գործազուրկ են, եւ երկու գործոնն էլ շատ խիստ անդրադառնում է նրանց առողջության վրա»,- հավաստիացնում է նա:

Սրտաբանը հայտնաբերել է նաեւ երիտասարդների` սրտային հիվանդություններով տառապելու երրորդ պատճառը. այն պայմանավորված է համակարգչային ամենօրյա աշխատանքի հետ. «Երկարատեւ հարկադիր դիրքից առաջանում է ողնաշարի դիսֆունկցիա, որն էլ կարող է պատճառ հանդիսանալ սրտային հիվանդությունների»:

Ա. Ղազարյանը զգուշացնում է` սնունդն էլ է շատ ազդում. անհրաժեշտ է սնվել կանոնակարգով, իսկ ամռան շոգ օրերին շատ օգտագործել հեղուկ, միրգ եւ բանջարեղեն:

Ի դեպ, սրտային հիվանդությունների համար ամառը համարվում է ավելի շատ ակտիվ, քան պասիվ շրջան, ինչը պայմանավորված է եղանակի կտրուկ փոփոխությամբ: