Վնասվածքս ինձ խանգարեց. Արթուր Շահինյան

Թբիլիսիում ընթացող Եվրոպայի ըմբշամարտի առաջնությունում  84 կգ քաշային կարգում բրոնզե մեդալ նվաճած  Արթուր Շահինյանըխոսեց Եվրոպայի առաջնությունում՝ իր գոտեմարտերի մասին:

-Արթու՛ր, մեկնարկային գոտեմարտում մրցակիցդ  շատ ուժեղ էր և բացահայտ ֆավորիտ, սակայն նրան բավական հեշտ հաղթեցիք, ի՞նչ պատահեց Ձեզ կիսաեզրափակչում: 

-Այո՛,  լեհ ըմբիշը բացահայտ ֆավորիտ էր, սակայն նրա հետ գոտեմարտս ստացվեց՝ հաղթեցի: Հունգարացու հետ գոտեմարտի ժամանակ ցավեցրի ուսս՝  տեղի տվեց հին վնասվածքս և չկարողացա ամբողջ ուժով պայքարել:

-Եթե չլիներ վնասվածքը, ի՞նչ եք կարծում կհաղթեի՞ք վրացի ըմբիշին:

-Կարծում եմ՝ շանսեր ունեի, այդքան էլ ուժեղ մրցակից չէր:

-Եթե եզրափակիչ հասնեիք:

-Եթե հասնեի եզրափակիչ , կարծում եմ շանսերը հավասար կլինեին: Եվրոպայի չեմպիոն դարձած ռուս ըմբիշի հետ նախկինում գոտեմարտել էի, նա հաղթել էր, բայց շատ քիչ առավելությամբ: Ամեն բան հնարավոր էր:

- Կնախապատրաստվե՞ք աշխարհի առաջնությանը, թե՞ վնասվածքը կարող է խանգարել:

-Ո՛չ, վնասվածքը այդքան էլ լուրջ չէ: Չի խանգարի ինձ:Կնախապատրաստվեմ:

Շուշանիկ ՀԱԿՈԲՅԱՆ

Թբիլիսի