Որ քաղաքացիների մեքենաները ջարդուփշուր չլինեն

Երևանի ավագանու ընտրություններին ԲՀԿ-ն ցանկանում է իրականացնել շատ կոնկրետ  և շոշափելի փոփոխություններ: Այս մասին այսօր լրագրողների հետ հանդիպման ժամանակ  հայտարարեց ԲՀԿ-ական պատգամավոր Տիգրան Ուրիխանյանը:

«Մենք ուզում ենք, որ քաղաքի երթևեկելի հատվածները լինեն ուղիղ և մեր քաղաքացիները ջարդուփշուր չանեն իրենց մեքենաները»,- նշելով  ԲՀԿ-ի նախընտրական ծրագրում ներառված բարեփոխումներից մեկը` ասաց պատգամավորը:

Ուրիխանյանի խոսքով`  իրենք ամեն ինչ անելու են, որպեսզի մայրաքաղաքը դառնա առավել հարմարավետ:   

Պատգամավորը հերթական անգամ ընդգծեց բոլոր շահագրգիռ քաղաքական ուժերի հետ համագործակցելու` ԲՀԿ-ի պատրաստակամության  մասին: «Եթե շահագրգիռ քաղաքական ուժերը միավորվեն և տրամադրեն այն մարդկային ռեսուրսը, որը ավագանու ընտրություններում կկարողանա բացահայտել ընտրակեղծիքները, և վերահսկեն դրանք, հարցը կլուծվի»,- ասաց նա: