Ճապոնացի գիտնականները հայտնաբերել են ճարպի կուտակումը կարգավորող գենը

Ճապոնացի գիտնականները վստահեցնում են, որ հայտնաբերել են օրգանիզմում ճարպի կուտակումը կարգավորող գենը: Հայտնագործությունը կնպաստի քաշի կարգավորման, շաքարախտի եւ այլ հիվանդությունների համար դեղամիջոցների արտադրությանը. տեղեկացնում է ИТАР-ТАСС-ը:

Մկների հետ կատարված փորձերի արդյունքում գիտնականները պարզել են, որ լյարդում, փայծաղում եւ այլ օրգաններում կան իմունային բջիջներ, որնք ի հայտ են գալիս հատուկ գենի` Trib1-ի ազդեցության տակ, որը, փաստորեն, պատասխանատու է ոչ միայն իմունիտետի, այլ նաեւ ճարպի կուտակման համար: Այն մկների մոտ, որոնց Trib1 գենի գործունեությունը արգելափակվել էր, ավելացել էին ճարպային կուտակումները, խոլեստերինի քանակը արյան մեջ, զարգացել էր շաքարախտ: Ըստ գիտնականների` մարդկանց օրգանիզմում, հավանաբար, նույն գործընթացներ են կատարվում: