ԱՄՆ-ը թույլատրել է ֆինանսավորել սիրիացի ապստամբներին

ԱՄՆ ֆինանսների նախարարությունը թույլատրել է ֆինանսավորել սիրիացի ընդդիմադիրներին. ըստ РБК-ի` ասվում է գերատեսչության տարածած հաղորդագրության մեջ: Դա նշանակում է, որ ամերիկյան ֆիզիկական եւ իրավաբանական անձինք, ներառյալ` վարկային հաստատությունները, կարող են գումարներ հատկացնել Բաշար Ասադի հակառակորդներին:

«ԱՄՆ-ը մտադիր է աջակցել սիրիացի ժողովրդի` ժողովրդավարական, բաց ու խաղաղ Սիրիայի անցնելու ձգտումներին: Սիրիայի ներկայիս կառավարությունը իր դաժան փորձերով` պահել իշխանությունը, կորցրել է լեգիտիմությունը»,- նշված է ԱՄՆ ֆինանսների նախարարության հայտարարության մեջ:

Միաժամանակ, ԱՄՆ-ը, ինչպես նաեւ ԵՄ-ն դեռեւս խուսափում են ապստամբներին զենք մատակարարելուց: