Քաղաքական գործչի ամենագայթակղիչ կողմը համբերությունն է. Հովիկ Աբրահամյան

ԱԺ «Ժառանգություն» խմբակցության պատգամավոր Զարուհի Փոստանջյանն ու Ռուբեն Հակոբյանն այսօր բավականին ակտիվ էին կառավարության ուղղված հարցուպատասխանի ժամանակ:

Նախ, գրանցման ժամանակ, երբ Փոստանջյանն ակնհայտորեն աղմկում էր, Հովիկ Աբրահամյանը կեսկատակ-կեսլուրջ հայտարարեց. «Հեղափոխական Փոստանջյան, մի' խանգարի մեզ»:

Հետո արդեն հարցուպատասխանի ընթացքում, երբ Ռուբեն Հակոբյանը սկսեց աղմկել եւ վարման կարգով խոսք էր խնդրում, Հովիկ Աբրահամյանը հայտարարեց. «Հանգստությունն ու խաղաղությունը լավ բան է: Քաղաքական գործչի ամենագայթակղիչ կողմը համբերությունն է: Ես չեմ կարող հիմա օրենք խախտել: Խախտեմ, որ հետո քննադատեք»: