Ընտրությունների վերջնական արդյունքները կհրապարակվեն այսօր

Կենտրոնական ընտրական հանձնաժողովը այսօր` փետրվարի 25-ին, կհրապարակի փետրվարի 18-ին կայացած ՀՀ նախագահի ընտրությունների վերջնական արդյունքները:

Հիշեցնենք, որ ԿԸՀ-ի հրապարակած նախնական տվյալների համաձայն` ձայների 58,64 տոկոսով հաղթող է ճանաչվել ՀՀ գործող նախագահ, ՀՀԿ առաջնորդ Սերժ Սարգսյանը: «Ժառանգության» առաջնորդ Րաֆֆի Հովհաննիսյանը հավաքել է ձայների 36,75 տոկոսը:

«Ազատություն» կուսակցության ղեկավար Հրանատ Բագրատյանը ստացել է ձայների 2,15 տոկոսը, ԱԻՄ առաջնորդ Պարույր Հայրիկյանը`  1,23 տոկոսը, քաղաքագետ Անդրիաս Ղուկասյանը` 0,57 տոկոսը, Արման Մելիքյանը`  0,24 տոկոսը և Վարդան Սեդրակյանը` 0,42 տոկոսը: