Հայտնի են Ուկրաինայի խորհրդարանական ընտրությունների վերջնական արդյունքները

Ուկրաինայի ԿԸՀ-ն մշակել է քվեաթերթիկների 100 տոկոսը, որոնց համաձայն` խորհրդարանական ընտրություններում հաղթել է նախագահ Վլադիմիր Զելենսկիի «Ժողովրդի ծառա» կուսակցությունը` 43,16 տոկոս ձայնով. հայտնում է РИА Новости-ն:

Երկրորդ տեղում է Յուրի Բոյկոյի «Ընդդիմադիր հարթակ` հանուն կյանքի» կուսակցությունը` 13,05 տոկոս ձայնով, երրորդ տեղում է Յուլյա Տիմոշենկոյի «Բատիկիվշչինա» կուսակցությունը` 8,18 տոկոս ձայնով, դրան հետևում է Պյոտր Պորոշենկոյի «Եվրոպական համերաշխություն» կուսակցությունը` 8,10 տոկոս ձայնով, հնգյակը փակում է երաժիշտ Սվյատոսլավ Վակարչուկի «Ձայն» կուսակցությունը` 5,82 տոկոս ձայնով:

Ընտրությունները կայացել  էին կիրակի: