AZAL ինքնաթիռի վթարի հետաքննության նախնական արդյունքները կհրապարակվեն հաջորդ շաբաթ

Ակտաուի մոտակայքում «Ադրբեջանական ավիաուղիներ»-ի (AZAL) ինքնաթիռի կործանման հետաքննության նախնական հետաքննության արդյունքները կհրապարակվեն հաջորդ շաբաթ։ Այս մասին հայտարարել է Ղազախստանի փոխվարչապետ Կանատ Բոզումբաևը։

«Հանձնաժողովը շարունակում է աշխատանքը: Համապատասխան եզրակացություններ կարվեն, հարազատները պետք է ստուգեն ձայները, որպեսզի համոզվեն, որ նրանք իսկապես օդաչուներն են: Կարծում եմ՝ տրանսպորտի նախարարությունը կհրապարակի նախնական արդյունքերը հաջորդ շաբաթ»,-ասել է ղազախ պաշտոնյան։

Նա նաև նշել է, որ կործանված ինքնաթիռի սև արկղերն ամբողջությամբ վերծանվել են Բրազիլիայում և արդեն վերադարձվել են Ղազախստան։

Հիշեցնենք, որ AZAL-ի՝ Բաքվից Գրոզնի թռչող ուղևորատար ինքնաթիռը վթարի էր ենթարկվել դեկտեմբերի 25-ին Ղազախստանի Ակտաու քաղաքի մոտ։ Ինքնաթիռում գտնվող 67 մարդկանցից 38-ը մահացել են, 29-ը՝ փրկվել։ Ադրբեջանական կողմը մինչև փորձաքննության արդյունքները ռուսական կողմինէ  եմղադրել ավիավթարի համար, ինչի արդյունքում ՌԴ նախագահ Վլադիմիր Պուտինը ստիպված է եղել անգամ ներողություն խնդրել։