Քաղաքական կատականի

Սիստեմի զոհերը

Ֆեյսբուքյան օգտատերերից մեկը ձեռ է առել ՀՀԿ փոխնախագահ Արմեն Աշոտյանին՝ գրելով, որ վերջինս, կարծես, չի կարողանում մարսել Րաֆֆու հետընտրական անակնկալները, ուստի և համապատասխան դեղորայքի կարիք ունի, նրա համար նույնիսկ հատուկ «նշանակում» է արել՝ «Մեզիմ ֆորտե»: Ինչպես պնդում են ՀՀԿ-ին մոտ կանգնած աղբյուրները, Աշոտյանի վիճակը դեռ տանելի է, բա ինչ անի խեղճ Կարեն Ավագյանը, որը քանի օր եղավ՝ սիստեմայի տակ է:

Տեղ/ամաս/-տեղ/ամաս/

Փետրվարի 18-ի նախագահական ընտրությունների արդյունքները եկան փաստելու, որ բարձրլեռնային գոտիներում, օրինակ՝ Շիրակում, Սերժի խիարները ոչ միայն թարս, տեղ-տեղ նույնիսկ չեն էլ բուսնում:

Հետընտրական

Հայոց մարզպետաց դասը վերջին օրերին խիստ մտահոգ է և նույնիսկ` ահաբեկված. նախընտրական խփոցին պրծավ, սկսվել է հետընտրական տփոցին:

Անհուսալի

Ըստ դիտարկումների՝ քրեաօլիգարխիկ համակարգը իշխանությունների հետ ոչ միայն սերտաճել է, այլև սերժաճել:

Լևոն ՍԱՐԳՍՅԱՆ