ԱՄՆ դիվանագիտակսն դաշտը ենթարկվում է մեծամասշտաբ զտման՝ փոխվում են գրեթե 50 երկրների դեսպանները

ԱՄՆ նախագահի վարչակազմը որոշել է հետ կանչել Ասիայի, Աֆրիկայի, Արևելյան Եվրոպայի և Կենտրոնական ու Հարավային Ամերիկայի երկրներից 48 դեսպանների: Այս մասին հայտնել է The New York Post-ը՝ հղում անելով աղբյուրներին:

Ավելի վաղ The Associated Press-ը հայտնել էր, որ ԱՄՆ նախագահի վարչակազմը հետ է կանչում 29 դեսպանների:

«Սա ստանդարտ ընթացակարգ է ցանկացած վարչակազմի համար: Դեսպանը նախագահի անձնական ներկայացուցիչն է, և նախագահն ունի լիազորություններ ապահովելու այն երկրներում այն անձանց ներկայությունը, ովքեր առաջ են մղում «Ամերիկան առաջին հերթին» օրակարգը», - New York Post-ը մեջբերել է Պետդեպարտամենտի խոսնակի խոսքերը:

Միևնույն ժամանակ, թերթը նշել է, որ Թրամփի վարչակազմը դեռևս չի նշանակել դիվանագիտական առաքելությունների մշտական ղեկավարներ այն երկրներում, որոնք ԱՄՆ հիմնական գործընկերներ են: Մասնավորապես, Ավստրալիայում, Գերմանիայում, Կատարում, Սաուդյան Արաբիայում, Ուկրաինայում կամ Հարավային Կորեայում ամերիկացի դեսպաններ չկան: