Ոստիկանությունն անդրադարձել է ընտրացուցակների անճշտություններին

Հայաստանի ոստիկանությունն անդրադարձել է ընտրացուցակների անճշտությունների վերաբերյալ հունվարի 9-ից փետրվարի 18-ն ընկած ժամանակահատվածում ստացված, ինչպես նաեւ էլեկտրոնային լրատվամիջոցներում հրապարակված հաղորդումների ուսումնասիրության արդյունքներին:

Ոստիկանության հաղորդագրության մեջ, մասնավորապես, նշվում է.

«Ընտրացուցակների անճշտությունների վերաբերյալ ՀՀ ոստիկանությունում ուսումնասիրված հաղորդումները տարանջատվում են հետեւյալ ժամանակահատվածների.

1. Նախնական ցուցակները հրապարակելուց հետո' 2013 թ. հունվարի 9-ից մինչեւ ՀՀ ընտրական օրենսգրքի 12-րդ հոդվածի 1-ին մասով ընտրացուցակներում տեղ գտած անճշտությունների վերացման համար դիմում տալու ժամկետը' 2013 թ. փետրվարի 13-ը,

2. 2013 թ. փետրվարի 14-ից մինչեւ քվեարկության ավարտը' 2013 թ. փետրվարի 18-ն ընկած ժամանակահատվածում էլեկտրոնային լրատվամիջոցներում հրապարակված հաղորդումների ուսումնասիրության,

2013 2. հունվարի 9-ից մինչեւ  2013 թ. փետրվարի 13-ը ՀՀ ոստիկանության կողմից մշակվել են ՀՀ Նախագահի ընտրությունների ընտրացուցակներին առնչվող  անճշտությունների վերաբերյալ 4018 տեղեկություն, որից' 1928-ը ստացվել է ոստիկանության կողմից իրականացված ուսումնասիրությունների արդյունքում, 2090-ը' ընտրական գործընթացի մյուս մասնակիցների կողմից:

Ուսումնասիրությունների արդյունքում ընտրացուցակներում կատարվել է ընդամենը 19 անճշտությունների շտկում:

2013 թ. փետրվարի 14-ից մինչեւ քվեարկության ավարտը' 2013 թ. փետրվարի 18-ն ընկած ժամանակահատվածում էլեկտրոնային լրատվամիջոցներում հրապարակված թվով 18 հրապարակումների ուսումնասիրության արդյունքում հաստատվել է միայն 1 անճշտություն:

Ընդհանուր առմամբ 2013 թ. հունվարի 9-ից՝ նախնական ընտրացուցակների հրապարակումից հետո մինչեւ 2013 թ. փետրվարի 18-ը ՀՀ ոստիկանության կողմից մշակվել են ՀՀ նախագահի ընտրությունների ընտրացուցակներին առնչվող անճշտությունների վերաբերյալ ինչպես ընտրական գործընթացի մասնակիցների կողմից գրավոր ներկայացված, այնպես էլ էլեկտրոնային լրատվամիջոցներում հրապարակված բոլոր հաղորդումները, որի արդյունքում հիմնավորվել է ՀՀ ընտրական օրենսգրքի իմաստով միայն 20 անճշտություն:

Բացի այդ'նշված ժամանակահատվածում ընտրացուցակներից հանվել են նաեւ 2028 մահացած անձի տվյալներ, որոնց վերաբերյալ տեղեկատվությունը օրենսդրությամբ սահմանված կարգով ռեգիստրը վարող մարմինը չի ստացել:

Ընդ որում՝ հարկ է նշել, որ մահվան փաստի վերաբերյալ ռեգիստրը վարող մարմնին օրենսդրությամբ սահմանվածկարգով չտրամադրված տեղեկատվության առկայությունը ընտրողների ցուցակում  ՀՀ ընտրական օրենսգրքիիմաստով անճշտություն չի համարվում:

ՀՀ Նախագահի ընտրությունների քվեարկության օրը' 2013թ-ի փետրվարի 18-ին, ՀՀ ոստիկանության անձնագրային եւ վիզաների վարչության կողմից քաղաքացիների դիմումների հիման վրա տրամադրվել է.

ա/ 606 անձը /ինքնությունը/ ժամանակավորապես հաստատող փաստաթուղթ /9 ձեւ/

բ/ ընտրողների ցուցակում ընդգրկված չլինելու մասին 12 տեղեկանք:

Համեմատության համար հարկ է նշել, որ 2012թ. մայիսի 6-ին կայացած ՀՀ Ազգային ժողովի ընտրությունների ժամանակ ՀՀ ոստիկանության անձնագրային եւ վիզաների վարչության կողմից տրամադրվել է'

ա/ 1407 անձը /ինքնությունը/ ժամանակավորապես հաստատող փաստաթուղթ /9 ձեւ/ /1395-ով ավելի քան նախագահականընտրություններին/

բ/ ընտրողների ցուցակում ընդգրկված չլինելու մասին 160 տեղեկանք /148-ով ավելի քան նախագահականընտրություններին/»: