Չեմ սիրում, երբ հրապարակավ ինձ գովում են. Սերժ Սարգսյան

Քարոզարշավի վերջին օրը գործող նախագահ, նախագահի ՀՀԿ-ական թեկնածու Սերժ Սարգսյանն անցկացրեց Երեւանի Կենտրոն համայնքի բնակիչների հետ: Ինչպես միշտ, նախագահի խոսքից հետո եղավ հարց եւ պատասխան:

Հանդիպման մասնակիցներից մեկն օրինակ հետաքրքրվեց, թե որո՞նք են այն երեք երեւույթները, որ չի սիրում: Ի պատասխան, Սերժ Սարգսյանը հայտարարեց. «Չեմ սիրում գոռուզությունը, չեմ սիրում, երբ հրապարակավ ինձ գովում են եւ չեմ սիրում կեղծավորներին»:

Հանդիպման մասնակիցներից մեկն էլ Սերժ Սարգսյանից հետաքրքրվեց, թե որո՞նք են նրա թուլությունները ու կայացրած ծանր որոշումները: «Եթե թույլ տաք, չխոսեմ այդ մասին, որովհետեւ ճիշտ չէ, երբ մարդն իր թուլությունները բարձրաձայնի... Բայց ծանր որոշումներ, իրոք, եղել են»,- նշեց նախագահը:

Հարցին էլ` եթե Աստծո հետ հանդիպի՝ ի՞նչ կասի, Սերժ Սարգսյանը հայտարարեց՝ շնորհակալություն կհայտնեմ: