Ալասանիային ''մոռացել էին'' Թուրքիայում

Թուրքական ֆորումներում տեղեկություն է տարածվել, թե վրացական պատվիրակությունը, որը, վարչապետ Բիձինա Իվանիշվիլիի գլխավորությամբ, այս օրերին Թուրքիայում է, հանդիպումներից մեկից հեռացել է առանց պաշտպանության նախարար Իրակլի Ալասանիայի: «Նրա մասին պարզապես մոռացել էին»,- գրում է Newposts.ge կայքը:

Բանն այն է, որ հանդիպումներից մեկի ժամանակ Ալասանիան ժամանակավորապես լքել է դահլիճը, իսկ երբ վերադարձել է, տեսել է, որ ե'ւ վրացական, ե'ւ թուրքական պատվիրակություններն արդեն այնտեղ չեն:

Թուրք լրագրողներից մեկի խոսքերով` Ալասանիան շփոթված տեսք է ունեցել, եւ ինքն առաջարկել է նրան հաջորդ հանդիպման վայրն ուղեկցել: Ալասանիան հրաժարվել է ` ասելով, որ տաքսիով կգնա:

Վրաստանի ՊՆ-ն դեռեւս մեկնաբանություններ չի տվել: