Ալեքս Ֆերգյուսոնը գոհ է խաղի արդյունքից

Չեմպիոնների լիգայի 1/8 եզրափակիչի` «Ռեալ» - «Մանչեսթեր Յունայթեդ» խաղից հետո  անգլիական ակումբի մարզիչը խոսել է հանդիպման մասին:

«Վատ արդյունք չէ մեզ համար: Հանդիպման ժամանակ շատ հետաքրքիր պահեր եղան: Երկու թիմերն էլ դարպասը գրավելու հնարավորություններ ունեին: Ռոնալդույի խփած գոլը շատ գեղեցիկ էր: Նա ցատկեց և գլխի հիանալի հարվածով գրավեց դարպասը: Սակայն այս խաղը հոգեբանորեն շատ ճնշող էր նրա համար: Այժմ նա մեր հանդերձարանում է և զրուցում է տղաների հետ: Ուրախ եմ, որ նա այսպիսի ֆուտբոլիստ է դարձել: Թե երկու թիմերից ո՞րը կշարունակի պայքարը, հիմա ասել դժվարանում եմ: Երկուսն էլ հավասար հնարավորություններ ունեն»,- մարզչի խոսքերն է մեջբերում ՈՒԵՖԱ-ի պաշտոնական կայքը: