Հայրիկյանը փորձում է Սերժ Սարգսյանից պաշտոն պոկել. ''Ժողովուրդ''

ՀՀ նախագահի թեկնածու Պարույր Հայրիկյանը վերջնականապես չի կողմնորոշվել` դիմելո՞ւ է ՍԴ` ընտրությունները հետաձգելու համար, թե՞ ոչ:

«Ժողովուրդ» օրաթերթի աղբյուրները պնդում են, որ Հայրիկյանն այսպես իրականում փորձում է Սերժ Սարգսյանից պաշտոն պոկել: Մասնավորապես` լուրեր են շրջանառվում, որ նա ցանկանում է դառնալ պատգամավոր, այն էլ` մեծամասնական ընտրակարգով: Ըստ այդմ` խոսակցություն է եղել, որ մեծամասնական ընտրակարգով պատգամավոր դարձած ՀՀԿ-ականներից մեկը նշանակվի գործադիրում, որպեսզի Հայրիկյանն այդ ընտրատարածքում առաջադրվի ու հաղթի: Այս տարբերակը, սակայն, առայժմ հավանություն չի ստացել ՀՀԿ-ում` Ս. Սարգսյանի կողմից:

Այնուամենայնիվ, լուրը ճշտելու համար թերթը զրուցել է Հայրիկյանի հետ, որը, սակայն, հերքել է. «Ես նախագահի ընտրություններին եմ մասնակցում, նախագահ եմ ուզում դառնալ, ոչ թե պատգամավոր»: