ՕԵԿ-ը Սերժ Սարգսյանից հրահանգը չի՞ ստացել

ԱԺ ավանդական ճեպազրույցում լրագրողները ԱԺ ՕԵԿ խմբակցության պատգամավոր Հովհաննես Մարգարյանից հետաքրքրվեցին, թե` նախագահի ՀՀԿ-ական թեկնածու Սերժ Սարգսյանի համար քարոզարշավ անելը կոալիցիոն հուշագրո՞վ է ամրագրված, սեփական նախաձեռնությա՞մբ են անում, թե՞ Սերժ Սարգսյանի հրահանգով:

ՕԵԿ-ական պատգամավորը հայտարարեց, որ ՕԵԿ-ը որեւէ մեկից որեւէ հրահանգ չի ստացել, ՕԵԿ-ի դիրքորոշումն, առաջիկա նախագահական ընտրությունների հետ կապված, պարզ է, եւ սեփական կուսակիցների հետ հանդիպման ժամանակ մեկ անգամ եւս հորդորում են, որ ձայնը տան Սերժ Սարգսյանին: Ծնունդով գյումրեցի ՕԵԿ-ական պատգամավորը, անդրադառնալով Գյումրիում կայացած հանդիպմանը, նշեց, որ ոմանց այն ակնհայտորեն մտահոգեց, քանի որ «ՕԵԿ-ը եւս մեկ անգամ ցույց տվեց իր ուժը, եւ շատերին դա անհանգստացրեց»: