Սերժ Սարգսյանից հետո մուտքն արգելվում է

Այս պահին կառավարության նիստերի դահլիճում շարունակվում է ՀՀԿ նախագահ Սերժ Սարգսյանի նախընտրական տեսահոլովակի շնորհանդեսը: Yerkir.am-ի թղթակիցը հայտնում է, որ ելույթով հանդես է եկել ՀՀ նախագահը, սակայն նրա խոսքը որոշ լրագրողներ ստիպված են եղել լսել դրսում: 

Բանն այն է, որ այդ լրագրողներին, ովքեր դուրս էին եկել նախագահի մուտքը լուսանկարելու, անվտանգության աշխատակիցներն այլևս թույլ չեն տվել մտնել, ավելին` արգելել են  շենքի պատուհաններից հետևել դահլիճում տեղի ունեցող իրադարձությանը, ձայնագրիչները դնել պատուհանագոգերին:

Ի դեպ, ՀՀ նախագահ Սերժ Սարգսյանին կառավարության նիստերի դահլիճ ուղեկցում էր Հովիկ Աբրահամյանը, ՀՀ վարչապետը նրա հետ չէր: Նշենք, որ քարոզարշավը շարունակվելու է Ավան վարչական շրջանում: