Սերժ Ազատիչի երկրպագուն ''պատռում էր իրեն'' ՀՀԿ շտաբի դիմաց

Րաֆֆի Հովհաննիսյանի համախոհներն այսօր հավաքվել էին ՀՀ կառավարության նիստերի դահլիճում` լսելու իրենց թեկնածուի ծրագրային ելույթը: Մոտ կես ժամ մարդկանց հոսքը չէր դադարում:

Այդ ընթացքում կառավարության շենքի դեմ դիմաց` ՀՀԿ գրասենյակի աստիճանների մոտ «Ապահով Հայաստան» շարֆով մի կին բղավում էր: Երբ yerkir.am-ի թղթակիցը հարցրեց, թե ինչո՞ւ է կանգնել այդտեղ, ի՞նչ է ուզում դրանով ցույց տալ, կինը բարձրագոչ հայտարարեց, որ եթե Սերժ Սարգսյանը չընտրվի` ինքն ընտանիքի հետ կհեռանա երկրից:

Այդ ընթացքում երկու ՀՀԿ-ականներ նրան բարևեցին և հարցրին որպիսությունը: Երևում էր` ծանոթ էին: 

«Հեռանա'ն քաղաքական դաշտից: Հերի'ք է, միայն Սերժ Ազատիչը պետք է ընտրվի»,- բղավում էր կինը:  

Իսկ նախագահի հասցեին հնչեցված գովեստի խոսքերը դիտեք տեսանյութում: