ՏԵՍԱՆՅՈՒԹ. Նենսի Փելոսին «State of Union»-ի ժամանակ պատռում է իր ձեռքը չսեղմած Թրամփի ելույթի տեքստը

Ժամեր առաջ ԱՄՆ Կոնգրեսում տեղի ունեցավ «State of Union»-ը («Պետության դրության մասին»): Ամեն տարի տեղի ուենցող ուղերձը, որի ժամանակ երկրի ղեկավարը ներկայացնում է երկրի ներքին և արտաքին դրությունը, առանց միջադեպերի չանցավ:

Ելույթի սկզբում՝ նախագահ Դոնալդ Թրամփի ժամանման մասին հայտարարությունից հետո, Թրամփը մոտենում է ամբիոնին, որի վերևում նստած էին Կոնգրեսի Ներկայացուցիչների պալատի խոսնակ Նենսի Փելոսին և ԱՄՆ փոխնախագահ, հանրապետական Մայք Փենսը: Թրամփը ելույթից առաջ նրանց հանձնեց իր ելույթի տեքստը, որից հետո հրաժարվեց դեմոկրատ Փելոսիի՝ իրեն մեկնած ձեռք սեղմել:

Մոտ մեկուկես ժամ տևած ելույթի ավարտից հետո, որի ժամանակ Թրամփն անդրադարձել էր երկրի տնտեսության, արտաքին քաղաքականության և այլնի մասին, Նենսի Փելոսին ոտքի է կանգնում և հրապարակավ պատռում Թրամփի ելույթի տեքստը:

Հիշեցնենք, որ Նենսի Փելոսին Թրամփին իմպիչմենտի ենթարկելու առաջամարտիկներից է: