Մասնագիտությամբ մանկավարժ պատգամավորը չի կարողացել մեկ-երկու բառ կապել իրար` նախագահին գովերգելու համար

«ՉԻ» տեղեկություններով՝ նախօրեին Արտաշատի պետական դրամատիկական թատրոնի շենքում Ազգային ժողովի նախագահ Հովիկ Աբրահամյանը հանդիպել է տեղի բնակիչների հետ։ Այդ մասին գրում է «Չորրորդ ինքնիշխանություն» թերթը։

«Հանդիպումը թերեւս «պտիչկա» դնելու համար է եղել, որովհետեւ շատ կարճ է տեւել, իսկ Հովիկ Աբրահամյանի ելույթն էլ, ականատեսների վկայությամբ, անհավես է ստացվել։ Վերջինս ուղղակի ակնարկել է. «Դե, դուք գիտեք ում եք ընտրելու՝ Հանրապետականին»։

ԱԺ նախագահին ուղեկցել է Արտաշատի թիվ 17 ընտրատարածքից մեծամասնական ընտրակարգով ԱԺ պատգամավոր դարձած Կարինե Պողոսյանը։ «ՉԻ» տեղեկություններով՝ մասնագիտությամբ մանկավարժ, դպրոցի տնօրեն աշխատած տիկինը չի կարողացել մեկ-երկու բառ կապել Սերժ Սարգսյանին գովերգելու համար եւ կմկմացել է, իսկ հանդիպման մասնակիցները հիասթափված հեռացել են «Ապահով Հայաստան» մակագրություններով զարդարված թատրոնի շենքից»։