Ֆիլհարմոնիկը կհամալրվի վալտորնահարով

Առաջիկայում Հայաստանի պետական ֆիլհարմոնիկ նվագախումբը կհամալրվի եւս մեկ երաժիշտով` վալտորնահարով. yerkir.am-ի հետ զրույցում նշեց նվագախմբի գեղարվեստական ղեկավար Էդուարդ Թոփչյանը:

Նա ասաց նաեւ, որ ֆիլհարմոնիկը ցածր` 4-րդ վալտորնի կարիք ունի:

«Արդեն երկու շատ հայտնի երաժիշտների հետ ենք խոսել, եւ նրանցից մեկը, հավանաբար, կհամալրի ֆիլհարմոնիկի կազմը: Շատ լավ է, որ մենք դրսից երաժիշտներ ենք ունենում. չէի ուզի քաղաքականացնել այս ամենը, բայց մեջը քաղաքական նրբություն էլ կա, որ եվրոպացին համաձայնում է գալ եւ աշխատել Հայաստանում»,- նշեց Թոփչյանը` հավելելով, որ սրանով ֆիլհարմոնիկն ամենեւին էլ չի կորցնում իր ազգային դեմքը: