Հրայր Թովմասյանի դիմումի հիման վրա նոտարին ազատել են աշխատանքից

ՀՀ արդարադատության նախարար Հրայր Թովմասյանը հայցադիմում է ներկայացրել ՀՀ վարչական դատարան՝ ընդդեմ Կենտրոն նոտարական տարածքի նոտար Ալվարդ Մելքոնյանի` նրան «Նոտարիատի մա­սին» ՀՀ օրենքի 17-րդ հոդվածի 2-րդ մասի 3-րդ և 4-րդ կետերի հիմքով նոտարի պաշտոնից ազատելու վերաբերյալ:

Հայցադիմումի հետ միաժամանակ հայցի ապահովման միջնորդություն է ներկայացվել վարչական դատարան՝ նոտար Ալվարդ Մելքոնյանի կողմից նոտարական գործողությունների կատարումն արգելելու վերաբերյալ, որը ՀՀ վարչական դատարանի 17.01.2013թ.-ի որոշմամբ բավարարվել է:

Նշված որոշման հիման վրա ՀՀ արդարադատության նախարարի` 22.01.2013 թվականի թիվ 11-Ա հրամանով Կենտրոն նոտարական տարած­քի նոտար Ալվարդ Մելքոնյանի նոտարական գործունեությունը կասեցվել է:

ՀՀ արդարադատության նախա­րարի 22.01.2013 թվականի թիվ 12-Ա հրամանով Կենտրոն նոտարական տարած­քի նոտար Ալվարդ Մելքոնյանի նոտարական սպասարկման լիա­զորությունները մինչև դատաքննությանը ավարտը դրվել են Կենտրոն նոտարական տարած­քի նոտարներ Էմմա Շաբոյանի և Նունե Սարգսյանի վրա: