ՏՄՊՊՀ-ն Էդմոն Մարուքյանի դիմումի հիման վրա «Վեգա»-ի նկատմամբ վարչական վարույթ է հարուցել

ԱԺ պատգամավոր Էդմոն Մարուքյանն իր ֆեյսբուքյան էջում տեղեկացնում է, որ  ՀՀ տնտեսական մրցակցության պաշտպանության պետական հանձնաժողովը վարչական վարույթ է հարուցել «Վեգա» էլեկտրատեխնիկայի խանութների ցանցի նկատմամբ` հիմնվելով իր դիմումի վրա:

«Փետրվարի 3-ին դիմել էի ՀՀ տնտեսական մրցակցության պաշտպանության պետականհանձնաժողով՝ առաջարկելով հարուցել վարչական վարույթ «Վեգա» էլեկտրատեխնիկայի խանութների ցանցի նկատմամբ և խախտումներ հայտնաբերելու դեպքում օրենքով սահմանված կարգով լուծել պատասխանատվության հարցը:

Այսօր առավոտյան ստացել եմ հանձնաժողովի նախագահ՝ Արտակ Շաբոյանի պատասխանն առ այն, որ հանձնաժողովը հարուցել է վարույթ, ինչպես նաև հրավիրվել եմ հանձնաժողովի՝ փետրվարի 22-ի դռնբաց նիստին, որտեղ քննարկվելու է դիմումի հիման վրա հարուցված վարչական վարույթում առկա փաստական հանգամանքների վերաբերյալ հարցը»,- գրում է պատգամավորը: