Թուրքիան ունի մի մեծ թղթապանակ` լցված հայերի դեմ մեղքերով. Ռագըփ Զարաքոլու

Թուրքիան ունի մի մեծ թղթապանակ` լցված հայերի դեմ մեղքերով, սակայն դրանք շտկելու համար քայլեր անելու փոխարեն` ավելի է փչացնում ամեն ինչ. «Սիվիլիթաս»-ի կազմակերպած քննարկման ժամանակ հայտարարեց թուրք հրատարակիչ, իրավապաշտպան Ռագըփ Զարաքոլուն:

Ըստ նրա` Թուրքիայում ակտիվորեն աշխատում է ադրբեջանական մեծ լոբբի, նաեւ շեշտեց, որ, այո, հենց Թուրքիան տապալեց հայ-թուրքական արձանագրությունների վավերացումը:

«Ադրբեջանն օգնում է Թուրքիայի սադրիչ քաղաքականությանը, իսկ Թուրքիան օգտվում է դրանից: Թուրքիան ամեն ինչ ազգային անվտանգության հարց է դարձնում»,- նշեց Զարաքոլուն:

Ինչ վերաբերում է Թուրքիայի կողմից Ցեղասպանության ճանաչմանը, ըստ նրա, իրենք ապրիլի 24-ին փորձում են ինչ-ինչ միջոցառումներ իրականացնել: Զարաքոլուն վստահ է, որ հալեցնելու  են սառույցը` թեկուզ փոքր միջոցառումներով. «Վստահ եմ, որ հասնելու ենք հաջողությունների»: